වරාය අධිකාරියේ සේවකයකුගේ වැටුප රුපියල් එක් ලක්ෂ හැත්තෑ එක් දහස ඉක්මවන බව වරාය, නාවුක හා සිවිල් ගුවන් සේවා ඇමැති නිමල් සිරිපාල ද සිල්වා පාර්ල...
ඇමැතිවරයා මේ බව සඳහන් කළේ වරාය ඉඩම් විකිණීමට එරෙහිව වරාය සේවකයන් කරන උද්ඝෝෂණ සම්බන්ධයෙන් සමගි ජන බලවේගයේ කුරුණෑගල දිස්ත‍්‍රික් මන්ත‍්‍රී තුෂාර ඉඳුනිල් විසින් අසන ලද ප‍්‍රශ්නයකට පිළිතුරු දෙමිනි.
වරයා සේවකයෝ උද්ඝෝෂණය කරන්නේ ඉඩම් විකිණීමකට එරෙහිව නෙමෙයි. ඔවුන් උද්ඝෝෂණය කරන්නේ බදු ප‍්‍රතිපත්තියට විරුද්ධවයි.
වරාය සේවකයකුගේ වැටුප රුපියල් එක්ලක්ෂ හැත්තෑ එක් දහස ඉක්මවනවා. තුන් වේලම කෑම දෙනවා. බෝනස් දෙනවා. ඒ වගේම විවිධ සහන දෙනවා. එවැනි පහසුකම් දෙන විට තමයි මේ අය උද්ඝෝෂණ කරන්නෙත්.
සේවක උද්ඝෝෂණ නිසා නැව් පහළොවක් හැරිලා ගියා. උද්ඝෝෂණවල ප‍්‍රතිඵල තමයි ඒ. ඒ නැව් ආවේ මම දැරූ උත්සාහයන් නිසයි. නැවත හැරී ගිය නැව් කිහිපයක් ගෙන්වා ගැනීමටත් හැකි වුණා.
මෙරටට එන නැව් තමන් වෙත ඇද ගන්න ඉන්දියාවේ, බංග්ලාදේශයේ වරායන් බලා සිටිනවා යැයි හෙතෙම කීය.
No comments